लाड़ी गलांदी लाड़े जो भलेयो सुणा।
प्रयागराजा रे कुंभा आसा भी जाणा।
देशा प्रदेशा ते लोक ऐथी गईरे आई।
बाबेया भी अपणा धूणा ऐथी लैरा लाई।
अघोरी आइरे नागा भी गइरे ऐथी आई।
मर्द हो या हो जनाना इन्हें सबणी ये रूप लैरा बनाई।
खड़ा बाबा, रूद्राक्ष वाला बाबा ता
एक हाथ खड़ा करणे वाले बाबा भी गइरे आई।
स्यो अपणी भक्ति कने शक्ति सबणी जो लैं दखाई।
रहणे रा कने खाणे रा पूरा इंतजाम।
इधी री चिंता तू मत कर रे इंसान।
जिंदगिया च ऐहड़ा कुंभ दूजी बारी नी औणा।
ता आसा प्रयागराजा जाई कने जरूर नौणा।
- विनोद वर्मा
